Para kang Island Boy

Processed with VSCO with kk1 preset
circa 2015

2010.

Kahinumdum pako tong una tang nag-ila.

Ikaw tong batan-on nga naglingkod dapit sa akong bangko. Usa ratag lamesa sa convention, usa ra na grupo, pero, dili ko ganahan nimo. 

Nagsul-ob kag blue na sport shirt atong adlawa.

Pila ka-tuig nilabay, nagtagbo napud atong mga dalan. Na-ila tikag ayo. Nagkuyog buntag, udto, gabii. Murag sumpay najud atong tina-i. Kaila na kaayo ko nimo. Kabalo nako kung unsa imong mga ganahan ug di-ganahan. Nakabisado na kaayo tika, ug mao ni ang akong mga mabaw nga nahibaw-an sa imoha:

  1. mag lagot kag ignon kag feeling gwapo.
  2. lud-an kag maghisgot kog tae.
  3. maayo ka manlaba.
  4. Ang imong paborito na icecream na Jollibee kay ang strawberry sundae.
  5. safeguard ang brand sa imong deodorant.
  6. idol nimo si Spiderman. 
  7. Paborito nimo ang Pomegranates na hantod karon wala pako katilaw.
  8. Maayo ka mutaghoy.
  9. Maawat nimo ang tingog ni batman ug ni stitch sa Lilo and Stitch. 
  10. Dili ka kabalo musayaw.

Nahutdan nakog mga isulat. Hinay-hinay na nako nagakalimtan ang mga detalye sa imo. Di nako kahinumdum sa uban, kay kada adlaw, nagapulihan ug bag-o ang akong mga dapat huna-hunaonon. Pero kahinumdum pako sa imo, kahinumdum pako sa mga istorya nato, kahinumdum pako sa kung unsa ka mukatawa na murag pagaw-pagaw nga saba na maka-irita. Kahinumdum pako sa imong paboritong alot ug kung unsa nimo ka-gusto musul-ob ug aritis nga itom. 

Pero magduha na ka-tuig nilabay. Di na ko sigurado kung mao pa gihapon na ang akong mga nahibaw-an sa imo. Daghan nausab, ug daghan usbononon.

Ako pud. 

Daghan kog gusto istorya nimo. Apan, kabalo ko na naay mga dapat istorya nga wala nay pulos kung i-storya. Layo na kaayo ang agwat sa panahon ug lugar. Layo na kaayo ko, layo napud kaayo ka. Puhon, Puhon. Magtagbo ta usab. Ug kataw-an nalang nato ang tanan. 

Doc. Malak,

unta malipayon ka sa imong kinabuhi.

Salamat sa tanan.

Malipayong adlawng sa natawhan!

P.S 

Ay oh. Naa pa gihapon sa akong kwarto akong graduation gift para sa imo. Naningil ka atong naa ka diri. Pero gituyo nako na dili ihatag. Sa sunod nalang nimo na graduation, puhon. Unya nag ma-doctor naka.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s